Papiamentu den era digital

Papiamentu.info ta un wèpsáit ku a wòrdu lansá den kader di e proyekto «Free open source spell checker for Papiamentu», ku a tuma lugá for di mas te òktober 2015. E proyekto aki a wòrdu finansiá dor di UNESCO i organisá dor di Fundashon Kòrsou Habrí.

E meta di e proyekto aki ta pa traha i mehorá un spèlchèk di Papiamentu di open source — e lenga materno di mayoria habitante di islanan ABC (Aruba, Boneiru i Kòrsou) i nan desendiente nan ku ta biba na Hulanda. E proyekto ta enserá tambe un open source office suite.

E metanan di mas importante di e proyekto ta wòrdu resumí den e siguiente punto nan:

• mehorá kalidat di skritura di teksto na Papiamentu den enseñansa, gobièrnu, organisashon i kasnan;
• eliminá barera finansiero, pa tur hende tin akseso na e open source office suite;
• mehorá e spèlchèk eksistente di Papiamentu den open source office;
• provehí un spèlchèk na Papiamentu pa e sistema nan di MS Windows, Apple Mac OSX i Linux, i tambe pa smartphone i Firefox.

Pa medio di papiamentu.info nos ke duna mas informashon tokante proyekto-, evento-, wèpsáit- i instansia nan ku tin di aber ku nos lenga Papiamentu.