Home

Papiamentu.info ta un wèpsait ku a wòrdu lansa den kader di e proyekto ‘free open source spell checker for Papiamentu’, kual a tuma lugá di mart pa òktober 2015. E proyekto aki a wòrdu finansiá dor di Unesco i organisá dor di Fundashon Kòrsou Habri.

E meta di e proyekto aki ta pa traha i mehorá un open source spèlchèk di Papiamentu, e lenga materno di mayoria habitante di islanan ABC ( Aruba Boneiru i Kòrsou, i nan desendiente nan bibá na Hulanda. E proyekto ta enserá tambe un open source office suite.

E metanan di mas importante di e proyekto ta wòrdu resumí den e siguiente punto nan:

mehorá kalidat di Skritura di teksto nan na papiamentu den enseñansa, gobièrnu, organisashon i kasnan.
eliminá barera finansiero, dor ku tur hende tin akseso na e open source open suite.
mehorá e spèlchèk eksistente di papiamentu di open source office
proveni un spèlchèk na papiamentu pa e sistema nan di MS Windows, Apple Mac OSX i Linux, i tambe pa smartphones i Firefox.
Via papiamentu.info nos ke duna mas informashon tokante proyekto-, evento-, wèpsait- i instansia nan ku tin di aber ku nos lenga papiamentu.