Konferensha ‘Papiamentu den era digital’

Riba 31 òktober 2015 e Konferensha Papiamentu den Era Digital a tuma lugá. Meta di e konferensha ta pa trese ekspertonan di Papiamentu huntu aki na Kòrsou, pa dialogá riba e papel di Papiamentu for di e perspektiva di kada papiadó den reino (i posiblemente na mundu) i deskubrí huntu kon nos lenga ta uni nos. E punto di salida ta pa krea mas konsenshi pa programanan digital ku ta mantené nos den kontakto ku otro, pero ku tambe lo sirbi nos pa trese mas uniformidat den nos lenga, maske ku nos ta biba na diferente isla den Karibe, Hulanda (i na mundu).