Lenk
Papiamentu.info ke amplia e parti aki ku mas weblinks ku ta posibel kaminda un i tur por haña informashon tokante di e lenga papiamentu i tambe otro inisiativa nan ku por yuda papiadónan di nativo papiamentu mehorá nan kalidat di skirbi i lesa na papiamentu. Banda di esaki por haña un bista di diferente ‘ blogs’ i columns, algun di nan skirbi na papiamentu, ku tin temanan aktual ku ta konserní nos tur.
Fundashonnan 
Top Blogs Siña papiamentu Revista online Ensiklopedia
Fundashonnan
Fundashon pa Planifikashon di Idioma
E fundashon tin komo meta pa promové idiomanan relevante den nos komunidat i pa regulá e situashon lingwístiko. Konkretamente FPI su tarea den esaki ta pa hasi trabou preparatorio i ehekutivo relashoná ku idiomanan relevante den komunidat, manera entre otro papiamentu, hulandes, spañó i ingles. Di e diferente idiomanan den komunidat, papiamentu ta esun ku ta haña mas tantu atenshon i e idioma ku tin mas tantu papiadó nativo.Si bo tambe ke hasi uzo di papiamentu na e manera korekto ata aki un programa ku lo por yuda bo ku esaki. Kual ta sostené ‘Papiamentu den Era Digital’. http://palabra.fpi.cw
Fundashon SPLIKA
SPLIKA ta para pa Stimulá Papiamentu Literatura i Informashon riba Kultura di Antianan abou.Meta prinsipal di SPLIKA ta pa krea oportunidat pa interesadonan por drenta o keda den kontakto ku kultura antiano, partikularmente ku idioma papiamentu. Ademas SPLIKA ta kontribuí na proseso di rekonosementu ofisial di papiamentu. Tambe SPLIKA ta sostené uzo di papiamentu komo idioma di enseñansa.
Fundashon Akademia Papiamentu
Fundashon Akademia Papiamentu ta un instituto profeshonal ku miembronan íntegro i kapas pa protehá, reforsá i promové e idioma papiamentu na nivel di un idioma regional apresiá, aseptá, rekonosé i respetá ku tur derecho di un idioma regional minoritario den reino hulandes.
Top Blogs
Huntu Korsou blog
Huntu Kòrsou Blog ta un blog ku un mishon, pa inspirá lesadónan dor di proyektá proyekto nan ku ta kontribuí na un mihó kalidat di bida na Kòrsou. Huntu Kòrsou Blog ke logra realisá un komunidat kaminda habitantenan, organisashon i gobièrnu ta traha huntu pa benefisiá Kòrsou. www.facebook.com/HuntuKorsou
T’Aki mi ta beba
T’Aki mi ta beba ta wòrdu forma dor di un grupo di hóben profeshonal i entusiasmá ku roots den Caribe, i ku opinion severo i pashon pa skirbi i ku 1 meta : hiba e isla ku nan ta yama kas na un mihó futuro. Riba e blog aki bo ta haña tópiko nan interesante, prèt i informativo.
Blogger Dwight Isebia
Blogger, yu di Kòrsou , Dwight Isebia ta skirbi hopi poesia i haiku’s na papiamentu i otro lenga.
Caribbean 3.0
Dr. Miguel P. Goede ta un sientífiko, stratégiko, outor, radio host , consultant, trendwatcher i un filósofo. Riba su blog Dr. Goede ta skirbi diferente artíkulo nan riba e área di ‘ Good Governance for Sustainable Development of Globalizing Small Island Developing States (SIDS) in the Caribbean’ .
Siña papiamentu
Papiamentu.Co
Riba papiamentu.co por siña e pronunsiashon korekto di palabra nan na papiamentu online.
Dushi Papiamentu
Dushi papiamentu ta duna kurso di papiamentu pa tur edat, kurso kon pa hiba kòmbersashon, workshop, tradukshon, tours i hopi mas.
Palabricks
Palabricks ta ofrese diferente servisio riba aria di tradukshon, kurso di papiamentu i hopi mas.Tambe tin un sekshon di quiz kaminda por praktiká nos lenga.
Revista online
Meet Curacao
Meet Curaçao ta un online magazine, kaminda un i tur, por haña diferente informashon tokante bida aki na Kòrsou. Tambe tin diferente kolumna ku tópikonan interesante.
Ensiklopedia
Wikipedia na papiamentu
Wikipedia ta un proyekto komunitario ku un sosiedat internashonal. E tin e meta pa ehekutá un ensiklopedia, multilingual riba internèt. E proyekto akí ta públiko, esei ta nifiká ku tur persona por kontribuí na e proyekto akí. Aktualmente ta ser buská hende ku den nan tempu liber por traha artíkulo i asina kontribuí na e Ensiklopedia na papiamentu. Tambe por tradusí artíkulo for di un otro idioma den ensiklopedia na papiamentu. E Ensiklopedia na papiamentu ta ofisial desde 26 di mart 2006.